Borgarhólsskóli hefur aðgang að sérfræðiþjónustu Norðurþings. Aðili frá Félagsþjónustu situr nemendaverndarráðsfundi. Boðið er upp á þjónustu sálfræðings, talmeinafræðings, greiningaraðila varðandi námserfiðleika og kennsluráðgjöf. Einnig vinnur Borgarhólsskóli með deildarstjóra málefna fatlaðra og barnaverndarstarfsmönnum.
Þegar skólinn og/eða foreldrar óska eftir þjónustu sérfræðinga á vegum Félags- og skólaþjónustu útbýr skólinn tilvísun sem foreldrar skrifa undir.
Sálfræðingar koma reglulega í skólann og hitta nemendur þar hvort heldur er í greiningar eða viðtöl. Talmeinafræðingur kemur einnig í skólann og leggur fyrir greiningar eftir þörfum og hittir nemendur í þjálfun.