Nemendur sem eiga við námserfiðleika að stríða stendur til boða sérkennsla. Sérkennsla er veitt einstaklingum eða hópum, skipulögð til lengri eða skemmri tíma, jafnvel alla skólagönguna. Umsjónarkennarar sækja um sérkennslu fyrir þá nemendur sem þurfa á henni að halda til deildarstjóra sérkennslu. Skipulag og inntak kennslunnar byggir á greiningum og mati á stöðu nemenda og getur falið í sér verulegar breytingar á markmiðum, námsefni, námsaðstæðum og kennsluaðferðum. Sem dæmi um námserfileika má nefna lestrarerfiðleika, stærðfræðierfiðleika, almenna námserfiðleika og mál- og framburðarerfiðleika.
Nýbúar hljóta einnig íslenskukennslu og námsaðstoð á meðan þörf krefur.
Nemendum með ADHD á unglingastigi stendur til boða að hitta reglulega kennara sem aðstoðar viðkomandi nemendur með nám, skipulag og annað sem þörf er á hjá hverjum og einum. Virkt samstarf er við foreldra þessara nemenda.
Nemendur með ADHD á yngri stigum fá stuðning og sérkennslu eftir þörfum hvers og eins.
Umsjónarkennari og sérkennari útbúa markmið með sérkennslunni. Í sumum tilvikum fylgir nemandi þeim markmiðum sem sett eru fyrir bekkinn, í öðrum tilvikum þarf að aðlaga námið en einnig eru dæmi um að sett séu alveg ný markmið fyrir nemandann og er þá útbúin námsaðlögun eða einstaklingsnámskrá.
Sérkennslan getur farið fram inn í stofu sem utan, verið fyrir einstaklinga jafnt sem hópa. Í flestum árgönum sér einn og sami kennarinn um sérkennsluna. Hann vinnur í teymi með umsjónarkennurum og skipuleggja þeir í sameiningu framkvæmd kennslunnar.
Sérkennari skilar skýrslu um sérkennsluna.