Fréttir | Borgarhólsskóli

Nýtt húsnæði formlega vígt

Fri, 16 Oct 2026 09:05:00 +0000

Stórum áfanga var náð í gær þegar nýtt húsnæði sem mun hýsa félagsmiðstöð og frístund var formlega vígt. Elsti og yngsti nemandi skólans, þau Guðný Hanna Sigfúsdóttir og Þór Ramón Abreu Josesson klipptu á borðann og gestir gengu þá inn til að skoða innandyra. Byggingin fékk nafnið Miðgarður í kosningu meðal nemenda.

Vígsla á nýju húsnæði félagsmiðstöðvar og frístundar

Tue, 13 Oct 2026 18:57:00 +0000

Næstkomandi fimmtudag verður nýtt og glæsilegt húsnæði undir þjónustu félagsmiðstöðvar og frístundar vígt. Að því tilefni býðst öllum að fagna með okkur og skoða húsnæðið kl. 16:30. Þá verður byggingingunni gefið nafn.

Svakalega hálfnuð keppni

Wed, 30 Sep 2026 21:54:00 +0000

Skólinn okkar er skráður til leiks í Svakalegu upplestrarkeppnina en það er lestrarátak sem hvetur til letur nemenda í fyrsta og með sjöunda bekk. Átakið stendur yfir frá fimmtánda september til fimmtánda október og ferlið því rétt hálfnað. Markmiðið er að nemendur lesi sem flestar mínútur og sá skóli sigrar sem hefur flestar mínútur lesnar og hlýtur titilinn Svakalegasti lestrarskóli landsins. Sigurvegari verður tilkynntur á degi íslenskrar tungu sextánda nóvember nk.

Ókeypis ráðgjöf fyrir ungt fólk

Mon, 28 Sep 2026 11:31:00 +0000

Bergið er lágþröskulda ráðgjafasetur fyrir ungt fólk á aldrinum 12–25 ára. Þjónustan er frí og engin tilvísun er nauðsynleg. Fulltrúi Bergsins á Akureyri Erla Friðriksdóttir kynnti þjónustuna fyrr unglingunum í morgun. Til stendur að vera með mánaðarlega viðtalstíma á Húsavík.

Samtal 1439 km í Ólympíuhlaupinu

Wed, 23 Sep 2026 16:18:00 +0000

Um þessar mundir fer fram íþróttavika Evrópu. Ólympíuhlaup ÍSÍ for fram kringum skólann í dag. Hlaupið kallaðist áður Norræna skólahlaupið og hefur verið fastur liður í skólastarfi margra grunnskóla allt frá 1984 þegar það fór fyrst fram. Með Ólympíuhlaupi ÍSÍ er leitast við að hvetja nemendur skólanna til þess að hreyfa sig reglulega og stuðla þannig að betri heilsu og líðan.

Lögreglan í heimsókn

Tue, 22 Sep 2026 17:10:00 +0000

Í forvarnaráætlun skólans er lögð áhersla á að nemendur fái fræðslu frá samfélagslögreglu. Í samfélagslöggæslu er reynt að efla jákvæð tengsl milli lögreglu og íbúa, sem og að auka traust og sýnileika. Við fengum lögregluna í heimsókn til okkar í dag.

Læsi og viðurkenningar til Borgarhólsskóla

Mon, 14 Sep 2026 16:44:00 +0000

Nýlega lauk læsisráðstefnu á vegum Miðstöðvar skólaþróunar við Háskólann á Akureyri (MSHA) og Miðstöðvar menntunar og skólaþjónustu (MMS). Ráðstefnan er haldin annað hvert ár og þar koma saman kennarar úr leik-, grunn- og framhaldsskólum, skólastjórnendur, fræðafólk og aðrir sem láta sig læsi og mikilvægi þess í námi og skólastarfi varða.

Lesið saman á degi læsis

Thu, 10 Sep 2026 14:58:00 +0000

Á alþjóðadegi læsis síðastliðinn þriðjudag komu nemendur í öðrum og sjöunda bekk saman til að lesa. En það eru vinabekkir. Nemendur settust saman tvö og tvö og lásu fyrir hvert annað.

Skólastofan færð út undir beran himinn

Tue, 08 Sep 2026 15:30:00 +0000

Fátt hefur mótað íslenska þjóð eins og náttúran. Íslendingar hafa aðlagað líf sitt samspili elds og ísa, dyntóttum veðurguðum og kröftugum sjávarföllum. Um leið hafa þeir notið allt umlykjandi náttúrufegurðar og haft lífsviðurværi sitt af ríkulegum gjöfum náttúrunnar. Dagur íslenskrar náttúru er haldinn hátíðlegur 16. september ár hvert og eru einstaklingar, skólar, stofnanir, fyrirtæki og félagasamtök hvött til að hafa daginn í huga í starfsemi sinni.

Kósínusdansinn

Tue, 01 Sep 2026 18:01:00 +0000

Við fengum danska framhaldsskólanema frá Randers Statsskole í Aarhus í heimsókn í dag. Hópurinn dvelur um þessar mundir á Húsavík í norrænu skiptiverkefni en nemendur Framhaldsskólans á Húsavík munu sækja Danmörku heim á vorönn. Ferðin er hluti af lífvísindaáfanga hjá þeim.

Morgunmaturinn

Mon, 31 Aug 2026 17:52:00 +0000

Er morgunverður mikilvægasta máltíð dagsins? Það virðist því vera nokkuð til í því að morgunverður sé mikilvæg máltíð en hvort hún sé mikilvægasta máltíð dagsins skal ósagt látið. Að sjálfsögðu er dagskrá fólks ólík og almennt skyldi leggja áherslu á að borða hollan og fjölbreyttan mat í hæfilegu magni, hafa reglu á máltíðum dagsins og njóta þess að borða.

Skólabyrjun - Þegar við vinnum saman sem ein liðsheild

Mon, 24 Aug 2026 16:13:00 +0000

Nemendur mættu til skóla í morgun og skólaárið því formlega hafið. Þann 24. ágúst eru 280 nemendur skráðir í skólann og fækkun um 2,1% milli ára. Skólinn fylltist af lífi, eftirvæntingu og spennu. Sömuleiðis þeirri einstöku orku sem fylgir þegar nýtt tímabil hefst. Skólaárið verður vonandi lærdómsríkt, gjöfult og spennandi með margskonar nýjum áskorunum eins og breytt einkunnagjöf og símareglur.

Nemendur mæta til leiks

Sun, 23 Aug 2026 15:03:00 +0000

Við hefjum hefðbundið skólastarf á morgun, mánudag. Við hlökkum til að taka á móti nemendum og hefja nýtt og spennandi skólaár saman. Nemendur fyrsta til sjötta bekkjar mæta kl. 9 í skólann og þau sem eru í sjöunda til tíunda bekk mæta kl. 10.

Í þágu skólastarfs

Thu, 20 Aug 2026 12:29:00 +0000

Velunnarar skólastarfs og menntunar í þágu barna og ungmenna eru lykilþáttur í skólasamfélaginu. Starfsmannafélag Húsavíkur færði skólanum peningagjöf að upphæð 1,7 milljónir króna til að kaupa á búnaði til að efla þroska og færni barna við leik og störf í skólanum.

Staða framkvæmda við félagsmiðstöð og frístund

Thu, 23 Jul 2026 14:30:00 +0000

Framkvæmdir við nýja félagsmiðstöð og frístund ganga vel. Innandyra eru gólfefni eru klár á efri hæð og aðeins eftir á neðri hæð, rafmagnsvinnu að ljúka og verið að vinna í uppsetningu á innréttingum. Þá er verið að setja upp hringstigann og lyfta er uppsett. Næst á dagskrá er að setja upp innihurðir, hljóðplötur og gólflista.

Sumarlokun skrifstofu

Thu, 18 Jun 2026 09:23:00 +0000

Skrifstofa skólans er lokuð og opnar aftur 10. ágúst næstkomandi. Hægt er að nálgast upplýsingar eins og netföng starfsfólks og fleira hér á heimasíðu skólans.

Lætur af störfum eftir fjóra áratugi í kennslu

Wed, 10 Jun 2026 12:17:00 +0000

Einn reynslumesti kennari skólans hefur látið af störfum eftir tæpa fjóra áratugi í starfi við skólann. Hafnfirðingurinn Guðrún Kristinsdóttir útskrifaðist frá Íþróttakennaraskólanum á Laugarvatni. Hún hóf kennsluferil sinn í Víðistaðaskóla í Hafnarfirði en fluttist til Húsavíkur árið 1986 og hóf þá störf við Barnaskóla Húsavíkur og síðar Borgarhólsskóla.

Endurmenntun og rýni til gagns

Tue, 09 Jun 2026 15:52:00 +0000

Starfsfólk skólans varði deginum í endurmenntun þar sem farið var yfir niðurstöður innra mats og Skólapúlsins auk þess sem horft var til styrkleika skólastarfsins og áherslna til framtíðar. Í hópavinnu ræddi starfsfólk meðal annars hvað hefði gengið vel á skólaárinu, hvaða vinnubrögð hefðu reynst árangursrík og hvað nemendur og foreldrar segðu jákvætt um skólann. Einnig var rætt um starfsandann, áhrif skólans á nærsamfélagið og hvað mikilvægt væri að halda áfram að gera.

Skólaárinu lokið hjá nemendum

Fri, 05 Jun 2026 14:57:00 +0000

Skólaárinu 2025-2026 er lokið hjá nemendum. Nemendur fyrsta til og með níunda bekkjar hittu kennarana sína í dag í hverskonar uppbroti, komu saman á söngsal og endað í pitsahlaðborði. Þórgunnur Reykjalín skólastjóri ræddi þar við nemendur á sal og hvatti krakkana til dáða, það eru alltaf tækifæri til bætingar í öllu. Að því loknu voru sungin nokkur lög. Umsjónarkennarar afhentu vitnisburð skólaársins. Búið er að opna fyrir birtingu á hæfnikortum í mentor og við hvetjum foreldra til að rýna í þau.

Lífverur á skólalóðinni

Fri, 05 Jun 2026 08:52:00 +0000

Nemendur í öðrum bekk hafa unnið með lífverur og náttúruna að undanförnu og fléttað saman við byrjendalæsi, náttúru- og stærðfræði. Krakkarnir lásu bækur úr bókaflokknum Milli himins og Jarðar um köngulær, ánamaðka og humlur. Í kjölfarið var fari í vettvangsferð um skólalóðina og safnað hverskonar lífverum sem voru greindar í víðsjá og stækkunargleri. Þá gerðu nemendur tölfræðigögn og útbjuggu meðal annars súlurit sem tengist stærðfræðinni.