Fréttir

Nemendur Borgarhólsskóla taka nú þátt í fjármálaleikunum í fyrsta skipti. Gangur leiksins er þannig að þátttakendur svara 48 spurningum á fjórum efnissviðum: Ég, heimilið, nám og atvinna og svo samfélagið.

Nemendur níunda bekkjar tóku þátt í starfamessa sem fór fram á Akureyri í liðinni viku. Markmið messunnar er að kynna fyrir tilvonandi og núverandi framhaldsskólanemum hvað þeim stendur til boða þegar kemur að störfum meðal norðlenskra fyrirtækja, eftir nám með áherslu í verk-, tækni- og iðngreinum.

Elstu nemendur skólans fara á örnámskeið í ólíkum greinum og sviðum tilverunnar. Nemendur á endurnýtingarnámskeiði hafa gefið gömlum flíkum og hlutum nýtt líf undir handleiðslu Þóru Katrínar Þórsdóttur.

Grunnskólum ber að kanna lesfimiviðmið nemenda. Í upphafi skólárs, um miðbik þess og í lok hvers skólaárs. Lesfimi er samsett færni sem felst í leshraða, lestrarnákvæmni, áherslum og hrynjandi í lestri. Fjölmargar rannsóknir sýna að sterk tengsl eru milli lesfimi og lesskilnings og með því að bæta lesfimi nemenda eflist lesskilningur jafnframt.

Öskudagur er upphafsdagur lönguföstu, miðvikudagurinn í 7. viku fyrir páska. Dagsetning hans getur sveiflast á milli 4. febrúar til 10. mars. Að þessu sinni ber daginn upp á 14. febrúar.

Það gýs enn á Reykjanesi. Í morgun opnaðist um þriggja kílómetra gossprunga austur af Svartsengi þar sem landris hefur mælst tæpur sentimetri á sólarhring undanfarna daga. Nemendur sjötta bekkjar fengu nýlega fræðsluerindi um eldsumbrotin á Reykjanesi, bæði söguleg og það sem er að gerast þessa stundina. Auk þess almennt um jarðfræði, jarðskjálfta og eldsumbrot.

Hreyfing hefur mikil áhrif á líkamlega og andlega heilsu. Mjög mikilvægt er að við förum út og hreyfum okkur. Það er manneskjum eðlislægt að vera úti og njóta útivistar, anda að sér fersku og súrefnisríku lofti, það hreinsar hugann.

Aðalfundur foreldrafélags skólans svar haldinn nýlega. Eitt af því sem var rætt á fundinum og í stjórn að auka enn frekar sýnileika félagsins. Félagið hefur gefið út sitt fyrsta fréttabréf. Þar má finna upplýsingar um félagið og hvert hlutverk foreldrafélaga er í starfsemi grunnskóla. Enda foreldrar sterkustu bandamenn skólanna.

Lestur er málræn aðgerð sem byggir á samspili margra þátta sem eru nauðsynlegir til að túlka og skilja ritmál. Grunnur að góðri færni í lestri er lagður á fyrstu æviárum barnsins. Því betri málþroska sem barn hefur, því betur er það í stakk búið til að takast á við lestrarnám. Foreldrar, kennarar og aðrir sem koma að uppeldi barna gegna því mikilvæga hlutverki að undirbúa ung börn undir líf og starf í veröld sem gerir ráð fyrir því að flestir þjóðfélagsþegnar séu læsir og skrifandi.

Litlu jólin eru notaleg hefð í mörgum grunnskólum landsins. Í upphafi dags komu allir nemendur skólans saman á söngsal. Nemendur spiluðu, gæddu sér á smákökum, hlýddu á jólasögu og hittu jólasveinana úr Dimmuborgum sem sprelluðu með nemendum á Sal og kringum jólatré skólans. Staðbundin jólahljómsveit Tónlistarskóla Húsavíkur lék fyrir dansi.