Markmið:
Jafnrétti til náms er grundvallar mannréttindi óháð kyni, kynþætti, trúarbrögðum, fötlun eða lífsskoðunum.
Rökstuðningur:
Mikilvægt er að skólinn sýni nærgætni og skilning þegar fjallað er um viðkvæm málefni.
Fræðsla um jafnrétti er sjálfsagt umfjöllunarefni í sem flestum námsgreinum s.s. samfélagsfræði, líffræði og lífsleikni. Umfjöllun um jafnrétti eykur líkur á jákvæðum viðhorfum gagnvart fjölbreytileika mannlífsins.
Viðmið:
- Á öllum skólastigum skal veita fræðslu um jafnréttismál.
- Kennslutæki og kennslubækur skulu vera þannig úr garði gerðar að kynjum sé ekki mismunað. Kennsluaðferðir mega ekki mismuna nemendum eftir kynferði, búsetu, uppruna, litarhætti, fötlun, trúarbrögðum eða félagslegri stöðu.
- Haft sé í huga að stúlkur og drengir geti haft ólík áhugamál og lífsreynslu.
- Kenndar leiðir til að koma auga á og vinna gegn hvers konar misrétti.
- Við sérstakar aðstæður er skólanum heimilt að veita undanþágur frá ákveðnum þáttum skyldunáms. Skólinn og heimilið skulu sjá til þess í sameiningu að þessir nemendur fái jafnvæg tækifæri til menntunar og þroska.