Frá aðalfundi Foreldrafélagsins

Aðalfundur Foreldrafélags Borgarhólsskóla fór fram í vikunni en það hefur orðið ánægjuleg vakning í starfi félagsins. Endurkjörin í stjórn félagsins voru þau Eysteinn Heiðar Kristjánsson, Hallgrímur Jónsson, Huld Hafliðadóttir, Katrín Laufdal, Katrín Ragnarsdóttir og Rakel Dögg Hafliðadóttir. Kosning fór fram um fulltrúa foreldra í skólaráð skólans og hlutu þau Eysteinn Heiðar Kristjánsson og Sigríður Hauksdóttir kjör í það.

Stjórn félagsins kynnti starfsemi þess, flutti skýrslu stjórnar og lagðar voru fram lagabreytingar á lögum félagsins. Þær helstar að fundurinn samþykkti að félagið innheimti árgjald sem nemur fimmtánhundruð krónum á hvert heimili. Fulltrúi skólans kynnti eineltisferla og verklag sem eru í endurskoðun, skóladagatal og heimasíðu skólans.

Fundurinn var vel sóttur enda mikil vakning meðal foreldra um mikilvægi starfsemi foreldrafélagsins.