Frumur eru minnsta starfandi eining lífsins en samt lykillinn að öllum lífverum á Jörðinni. Þær eru ósýnilegar berum augum en stýra öllu í líkamanum. Nemendur áttunda og níunda hafa verið að rannsaka frumur hverskonar.

Verkefnið Lítil skref á leið til læsis sem er samstarfsverkefni Borgarhólsskóla og Grænuvalla í samstarfi við sjúkraþjálfa hlaut nýlega íslensku menntaverðlaunin 2025. Að því tilefni bauð sveitarstjórn Norðurþings starfsfólki skólanna og samstarfsaðilum til móttöku í Sjóminjasafninu á Húsavík hvar boðið var upp á tónlist, léttar veitingar og ávörp.

Alheimurinn blasir við í Borgarhólsskóla. Þemaviku er lokið þar sem himingeimurinn var þemað enda heillandi veröld utan Jarðarinnar eða Tellus. Nemendur og starfsfólk hafa kannað leyndardóma himingeimsins. Lífleg stemming í skólanum og fjölbreytt verkefni. Þyngdarlögmálið, braut plánetanna í okkar sólkerfi, himinljósaskoðun og hverskonar sköpun og litagleði. Hver veit nema hér leynist framtíðar geimvísindaeinstaklingur?

Með reglulegum æfingum verður viðbragð fólks hraðara, dregur úr misskilningi og ruglingi og tryggir en öll komist örugg út. Sekúndur geta skipt máli. En í dag héldum við bruna- og rýmingaræfingu í samstarfi við Slökkvilið Norðurþings. Við erum að endurskoða rýmingaráætlun og liður í því er að æfa hana og síðan beturumbæta. Þá er mikilvægt að öll fái sameiginlega mynd og viðbrögð samræmd.

Íslensku menntaverðlaunin voru veitt á Bessastöðum í vikunni. Verkefnið Lítil skref á leið til læsis hlaut verðlaunin fyrir framúrskarandi þróunarverkefni varðandi málörvun og læsi. Verkefnið er samstarfsverkefni Borgarhólsskóla, leikskólans Grænuvalla, Miðstöð skólaþróunar Háskólans á Akureyri og Natöschu Damen sjúkraþjálfara. Beinist verkefnið að auknu samráði kennara á milli skólastiga, öflugi foreldrafræðslu og aðkomu sjúkraþjálfara.

Þjóðaríþrótt Íslendinga er Glíma. Glíma er íþrótt sem reynir á tækni, snerpu, líkamlegt atgervi og fimi. Í glímu eigast við tveir einstaklingar með tök í belti og reyna að leggja hvorn annan með byltu án þess að missa jafnvægið sjálfir. Saga glímu spannar tímann frá landnámi til dagsins í dag og hefur haft áhrif á sögu og menningu Íslendinga svo um munar.

Skólinn tekur venju samkvæmt þátt í verkefninu Jól í skókassa. Það markar gjarnan upphaf jólanna í skólanum. Það eru KFUM og KFUK samtökin sem halda utan um verkefnið. Verkefnið er alþjóðlegt og felst í því að fá börn jafnt sem fullorðna til þess að gleðja önnur börn sem lifa við fátækt, sjúkdóma og erfiðleika með því að gefa þeim jólagjafir. Gjafirnar eru settar í skókassa og til þess að tryggja að öll börnin fái svipaða jólagjöf er mælst til þess að ákveðnir hlutir séu í hverjum kassa.

Yngstu nemendum skólans var boðið á listviðburð í morgunsárið í Salnum. Sýningin Jazz hrekkur er á vegum List fyrir alla. En List fyrir alla er ætlað að velja og miðla listviðburðum til barna og ungmenna um land allt og jafna þannig aðgengi barna á grunnskólaaldri að fjölbreyttum og vönduðum listviðburðum óháð búsetu og efnahag. Höfuðáhersla er lögð á list fyrir börn og list með börnum.

Það þroskar hugann og eykur menningarlæsi að læra myndlist. En nemendur fimmta bekkjar voru að læra um Pablo Picasso og listastefnuna Kúbismi í vikunni. Picasso var einn af frumkvöðlum þessarar stefnu þar sem reglur um fjarvídd og form eru brotnar. Jafnframt er hugmyndafræðin sú að myndefnið er sýnt út frá mörgum sjónarhornum á sama myndfletinum.

Skólastarf Borgarhólsskóla er mjög fjölbreytt. Nemendur annars bekkjar fara gjarnan í hringekju í náminu. Við innlit í eina kennslustund var stöðvavinna í gangi. Nemendur fóru á milli stöðva þar sem unnið var með stafi og íslensk fjöll, önnur þar sem unnið var í osmo sem er upplýsingatækni og stærðfræði og loks stöð hvar unnið er með félagsfærni, virka hlustun og virðingu.