Gáfu börnunum bókamerki

Bókin á skrifborði deildarstjóra komin með nýtt bókamerki.

Þeir eru margir velunnarar skólans & pláss fyrir fleiri. Nýlega komu félagar í Lionsklúbbi Húsavíkur færandi hendi í skólann með bókamerki að gjöf. Lionshreyfingin vinnur að alþjóðlegu verkefni gegn treglæsi. Þessi gjöf er liður í því.

Um allan heim gefur hreyfingin tíu ára börnum bókamerki með hvatningarorðum um að lesa. Á merkinu hér á landi er ljóð eftir Þórarinn Eldjárn;

Bók í hönd og þér halda engin bönd.

Bók í hönd og þú berst niður á strönd.

Bók í hönd og þú breytist í önd.

Bók í hönd og beint út í lönd.

Ljóðið minnir á tækifærin sem felast í lestri bóka. Bækur veita frelsi, ljá vængi og opna nýja heima. Við þökkum Lionklúbbnum kærlega fyrir gjöfina.