Stöðupróf í íslensku og stærðfræði

Matsferill er nýtt námsmatskerfi sem dregur upp heildstæða mynd af námslegri stöðu og framförum nemenda reglulega yfir skólagönguna. Tilgangurinn er að stuðla að bættum námsárangri nemenda á Íslandi með reglubundnu og markvissu mati. Í marsmánuði munu nemendur í fjórða til og með tíunda bekk þreyta framvindu- og stöðupróf í íslensku (með áherslu á lesskilning) og stærðfræði.

Kennarar hafa undanfarið fengið kynningar á ferlinu og matstækinu sem er samræmt um allt land. Prófin eru rafræn og mæla aðeins afmarkaða þætti en ekki skólastarf í heild sinni. Ekki er tilefni til þess að nemendur læri sérstaklega fyrir prófin en kennarar eru þessa dagana að leyfa nemendum að prófa sýnispróf í stafræna prófakerfinu.

Sýnis- og æfingapróf má sjá HÉR.

Við leggjum áherslu á að nemendur leggi sig fram við próftökuna og geri sitt allra besta.

Áhugasöm geta lesið meira um prófin með því að smella HÉR.