Merkt starfsfólk

Starfsfólk Borgarhólsskóla, Frístundar og Tónlistarskóla Húsavíkur er komið með vinnustaðaskírteini á gulum böndum. Á skírteininu er að finna mynd af viðkomandi starfsmanni ásamt nafni. Nemendur skólans geta því þekkt starfsfólk skólans á þessu.

Í skóla með þrjúhundruð nemendum er ekki sjálfgefið að nemendur þekki alla 67 starfsmenn Borgarhólsskóla/Frístundar og 9 starfsmenn Tónlistarskólans. Ástæðan fyrir gula litnum vísan í merki skólans en skólaskútan okkar er gul og því siglum við um á gulu. En gulur er litur sólarinnar og hamingjunnar. Gulur gefur orku og reisir andann. Gulur litur býður mann velkominn.