Öskudagur í dag

Öskudagur er upphafsdagur lönguföstu, miðvikudagurinn í 7. viku fyrir páska. Dagsetning hans getur sveiflast á milli 4. febrúar til 10. mars. Að þessu sinni ber daginn upp á 26. febrúar.

Kennt var fram að hádegi. Að loknum hádegisverði fóru nemendur saman í hópum í fyrirtæki og stofnanir til að syngja og safna mæru. Greta Thunberg, sjúklingur frami á gangi, kórónaveira, kryddpíurnar og hvers konar furðuverur birtust í skólanum í morgun. Nemendur voru duglegir að mæta í búningum í skólann og starfsfólk sömuleiðis. Nemendur skólans komu saman á dansiballi í sal og kennslustofum skólans. Ljósmyndari skólans fór um í morgun og smellti af nokkrum myndum.

Nemendur sjötta bekkjar ásamt foreldrum sínum slá upp öskudagsballi í Íþróttahöllinni síðar í dag. Þar verður kötturinn sleginn úr tunnunni og hægt að gæða sér á veitingum.