Skólaárinu lokið hjá nemendum

Skólaárinu 2024-2025 er lokið hjá nemendum. Nemendur fyrsta til og með níunda bekkjar hittu kennarana sína í dag í hverskonar uppbroti. Í hádeginu var boðið í pylsupartý þó ekki væri veður fyrir grill og glens utandyra.

Búið er að opna fyrir birtingu á hæfnikortum í mentor og við hvetjum foreldra til að rýna í þau. Hver og einn einstaklingur hefur vaxið, dafnað og þroskast. Dagurinn í dag er ekki aðeins til að rýna í liðinn tíma heldur líka að horfa fram á veginn.

Fyrsti kennsludagur á nýju skólaári er 21. ágúst næstkomandi og nánar auglýstur síðar.

Við óskum nemendum okkar og fjölskyldum þeirra gleðilegs sumars og hamingjuríkra daga.