Vinningshafi í eldvarnargetraun

Þorkell Vilmar með viðurkenningarskjalið og gjafabréfið.

Árlega koma fulltrúar slökkviliðs og eldvarnareftirlits í heimsókn í þriðja bekk og fræða nemendur um eldvarnir. Krakkarnir taka þátt í eldvarnargetraun Landssambands slökkviliðsmanna. Í aðdraganda jóla fara fulltrúar slökkviliða í heimsóknir í skóla með fræðsluerindi er varðar málaflokkinn.

Nýlega kom slökkviliðsstjóri Norðurþings, Grímur Snær Kárason í heimsókn til að veita vinningshafa í getrauninni verðlaun. Hinn heppni var Þorkell Vilmar Jónasson sem hlaut viðurkenningarskjal og gjafabréf frá Spilavinum. Við óskum honum til hamingju.