Innritun í framhaldsnám

Forinnritun nemenda í 10. bekk (fæddir 2003 eða síðar) hefst í dag föstudaginn 8. mars og lýkur mánudaginn 12. apríl. Nemendur fengu afhent bréf frá Menntamálastofnun sem inniheldur leiðbeiningar um umsóknarferlið og veflykil sem gengur að umsókn á Menntagáttinni. Nemendur í 10. bekk eru eindregið hvattir til að taka þátt í forinnrituninni.

Rafræn innritun á starfsbrautir fyrir fatlaða stendur yfir. Stefnt er að afgreiðslu allra umsókna á starfsbrautir fyrir lok apríl. Lista yfir skóla sem bjóða upp á starfsbrautir fyrir fatlaða er að finna undir flipanum upplýsingar á vef Menntamálastofnunar.

Lokainnritun nemenda í 10. bekk verður 6. maí til 7. júní. Nemendur í 10. bekk hafa frest til sækja um nám í framhaldsskóla eða breyta umsóknum úr forinnritun til miðnættis föstudaginn 7. júní. Einkunnir þeirra verða sendar rafrænt frá grunnskólum til framhaldsskóla eftir skólaslit.

Allar nánari upplýsingar eru veittar í síma 514 7500 eða með því að senda tölvupóst á netfangið  innritun@mms.is.

Nemandi í 9. bekk sem óskar eftir útskrift úr grunnskóla til að innrita sig í framhaldsskóla þarfnast samþykkis skólastjóra hverju sinni.