Óskar á mánudaginn

Næstkomandi sunnudagskvöld verður bein útsending frá afhendingu Óskarsverðlauna í Hollywood. Hátíðin er stærsta hátíð sinnar tegundar og mikið um dýrðir. Það er óþarfi að fjölyrða um þá Íslands- og Húsavíkurtengingu sem er við hátíðina. Nægir að nefna að stúlkur í fimmta bekk skólans koma þar fram.

Á mánudaginn munum við vera með litlar samkomur í Salnum þar sem við sýnum frá hátíðinni. Við viljum minna foreldra á að senda umsjónarkennurum póst óski þeir eftir að barn þeirra komi síðar en vanalega í skólann á mánudagsmorgun.