- Skólinn
- Nemendur
- Foreldrar
- Jákvæður agi
- Bland í Borgó
- Byrjendalæsi
Matur er okkur mikið hjartans mál og daglegt umræðuefni líkt og íslensk veðrátta. Nýlega lauk úttekt heilbrigðiseftirlitsins á Skólamötuneyti Húsavíkur og umsögnin jákvæð. Hreinlæti, verklag, eftirlit og skráningar til fyrirmyndar. Eftirlitsaðili hrósaði sérstaklega fyrir góð vinnubrögð.
Á hverjum virkum degi er eldaður fjölbreyttur og næringarríkur matur fyrir hátt í 700 einstaklinga. Þar af rúmlega 50 einstaklingar sem fá sérútbúinn mat vegna fæðuónæmis. Mikil áhersla er lögð á gæði hráefnis, hollustu og að mæta ólíkum þörfum.
Unnið er eftir fjölbreyttum sjö vikna matseðli og eldað sem mest frá grunni. Kjötbollurnar innihalda 90% hreint kjöt, fiskibollurnar 90% fisk og grænmetisbuffin eru næringarrík. Þessir réttir eru jafnframt án eggja, mjólkur og glútens. Unnið er að innleiðingu á rafrænum skráningakerfum sem mun styrkja gæðaeftirlit og utanumhald enn frekar.
Þessi niðurstaða er reglulega ánægjuleg og viðurkenning á góðu starfi starfsfólks sem leggur daglega metnað í að bjóða upp á góðan, hollan og fjölbreyttan mat.
Góður skóladagur byggist á mörgu og þar skipta máltíðirnar miklu máli. Við megum vera stolt af því að geta boðið nemendum upp á svo vandaða þjónustu á hverjum degi. Það er samfélagslegt verðmæti sem vert er að halda á lofti.
|
Skólagarði 1 | 640 Húsavík Sími á skrifstofu: 464-6140 Netfang: skoli@borgarholsskoli.is |
Skrifstofa skólans er opin frá |
