Túbusjónvarpið í framtíðinni

Tæknin hefur breyst í tímans rás

Nemendur fjórða bekkjar hafa undanfarið rannsakað tímann og tæknibreytingar. Að skoða tæki sem hafa þróast eða úrelst; túbusjónvarpið, kasettur eða skífusímar. Nemendur fóru í vettvangsferð á Safnahúsið og könnuðu gamla muni og föt eins og ask og sauðskinnsskó.

Í þakklætishring sögðu nemendur frá þakklæti fyrir heitt vatn, rafmagnið og nettengingu. Samhliða þessari vinnu var lögð áhersla í stærðfræði á klukkuna og kyn- og fallbeyging nafnorða í íslensku. Lokaafurð verkefnisins var rannsókn á völdum tækjum eða hlutum og þróun þeirra í tímans rás. Auk þess áttu nemendur að ímynda sér hvernig hluturinn verður mögulega í framtíðinni. Verkefnið var unnið í tölvu og sýndu nemendur því áhuga og gekk það vel.