Með breytingu árið 2016 á grunnskólalögum síðan 2008 skal öllum börnum í yngri ágöngum grunnskóla gefinn kostur á þjónustu frístundaheimilis. Frístundaheimili er frístundavettvangur barna með áherslu á val barna, frjálsan leik og fjölbreytileika í viðfangsefnum og umhverfi. Við skipulag þjónustu frístundaheimila skal tekið mið af þörfum, þroska og áhuga hvers og eins.

Senn hefst skólastarf venju samkvæmt og að mörgu að hyggja. Matseðill hjá nýjum rekstraraðila liggur fyrir, hafragrauturinn á sínum stað sem og ávextirnir. Í upphafi skólaárs viljum við taka fram að vegna bráðaofnæmis nemanda fyrir hnetum biðjum við foreldra að senda börn sín alls ekki með hnetur í skólann. Við munum sömuleiðis taka tillit til þess í mötuneytinu.

Skólabyrjun verður með óhefðbundnum hætti þetta skólaárið. Vegna sóttvarnarráðstafana mæta nemendur án foreldra. Fyrsti skóladagur er næstkomandi mánudag, 24. ágúst. Nemendur í fyrsta, öðrum og þriðja bekk mæta í skólann kl. 8:30. Nemendur í fjórða til og með sjöunda bekk mæta í skólann kl. 9:15 og nemendur í áttunda, níunda og tíunda bekk mæta í skólann kl. 10:00.

Skrifstofa skólans er lokuð og opnar aftur 12. ágúst næstkomandi. Hægt er að nálgast upplýsingar um skólann hér á heimasíðunni.

Að vinna saman, fara út fyrir eigin þægindaramma og gera kröfur til sjálfs sín. Verkefninu Survivor árið 2020 er nú lokið. Nemendum á unglingastigi er skipt í fjóra hópa eða ættbálka; þurfa að kjósa ættarhöfingja af hvoru kyni, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin.

Nemendur tíunda bekkjar skólans mættu á útskrift sem fram fór í dag. En skólaslit voru með óhefðbundnum hætti í gær. Alls útskrifast 21 nemandi frá skólanum sem er nokkuð minni hópur en undanfarin ár.

Að vori fara nemendur gjarnan í skólaferðir. Í slíkum ferðum er unnið með mörg hæfniviðmið og markmið sem getur reynst erfitt að ná innan veggja skólans. Að nemandi átti sig á að hann er hluti af stærra samfélagi eða að nemandi átti sig á að fólk býr við ólík fjölskylduform, hefur ólíkan bakgrunn og bera virðingu fyrir mismunandi lífsviðhorfum og lífsháttum.

Verkefnið Reyklaus bekkur hófst í Finnlandi fyrir 30 árum. Ísland tekur nú þátt í tuttugasta og fyrsta sinn. Allir nemendur sjöundu, áttundu og níundu bekkjar grunnskóla geta tekið þátt ef enginn nemandi í bekknum notar tóbak eða rafrettur. Íslendingar hafa náð eftirtektarverðum árangri við að draga úr notkun á tóbaki. Embætti landlæknis heldur utan um verkefnið.

Nemendur í sjöunda bekk hófu forræktun á grænmeti fyrir skemmstu. Þeir voru að læra um Ísland og landið sem ferðamannastað. Þeir settu plómutómata, papriku, hvítlauk, blaðlauk og kartöflur í forræktun. Útbúinn var ræktunarreitur á skólaóðinni fyrir kartöflu- og laukræktun. Vonandi verður uppskeran góð.

Senn lýkur skólaárinu 2019-2020 og nýtt tekur við. Fræðsluyfirvöld hafa samþykkt skóladagatal næsta skólaárs. Skólastarf nemenda hefst 24. ágúst næstkomandi. Í lok september er skipulagsdagur starfsfólks og samtal heimilis og skóla. Í lok október og byrjun nóvember eru skipulagsdagar starfsfólks og haustfrí. Það er lengra frí nemenda en oft áður.