Við óskum öllum nemendum okkar og foreldrum gleðilegra jóla og farsældar á nýju ári. Við þökkum samstarfið á líðandi ári. Nemendur sjáum við aftur þann 5. janúar 2016. Starfsfólk Borgarhólsskóla

Litlu jólin eru yndisleg hefð í flestum grunnskólum landsins og hér var dagurinn eins og ávallt dásamlegur. Jólasveinar heimsóttu okkur og gengu með okkur í kringum jólatréð. Nemendur og fyrrverandi nemendur Tónlistarskóla Húsavíkur léku undir.

Úrslit í jólagetraun unglingastigs 2015 voru kynnt í gær, fimmtudag. Í getrauninni voru birtar 13 ólíkar spurningar. Í upphafi voru um 60 nemendur af unglingastigi sem tóku þátt af 87 og var þátttaka því góð. Nemendur skiluðu svörum sínum með rafrænum hætti.

4. og 5.bekkingar hafa verið að heimsækja Hvamm og sjúkrahúsið.

Það er löng hefð fyrir Verkstæðisdeginum í Borgarhólsskóla. Skólastarfið er með afar óhefðbundu sniði þann daginn, nemendur mæta með foreldrum, öfum og ömmum, systkinum, frændum og frænkum. Skólinn er öllum opinn þennan skemmtilega dag.

Föstudaginn 4. desember verður Verkstæðisdagurinn í Borgarhólsskóla frá kl. 8.15 – 12.00. Jólaverkstæði verða í hverju horni og nemendur Tónlistarskólans munu leika fyrir gesti og gangandi á Stjörnu og Mána. Í fjáröflunarskyni munu nemendur 10. bekkjar reka kaffihús í Salnum. Þar verður hægt að kaupa kaffi, kakó og með því gegn vægu gjaldi. Ekki er tekið við greiðslukortum á kaffihúsi. Við bjóðum alla velkomna í skólann og vonumst til að sjá sem flesta enda einn af föstum liðum í jólaundirbúningnum.

Jólagetraunin 2015 var kynnt á unglingastigi í dag og ber hún heitið Vandi er um slíkt að spá. Næstu þrettán skóladaga fá nemendur á unglingastigi eina spurningu á dag og þurfa að svara henni samdægurs fyrir miðnætti.