30.11.2022
Samstaf við Menningarmiðstöð Þingeyinga hefur aukist mikið að undanförnu og þökkum við kærlega fyrir það. Í garðinum kringum Safnahúsið á Húsavík fellur til talsvert af könglum. Nemendum fyrsta bekkjar var boðið að skreyta könglana í skólanum og heimsækja síðan safnið. Nemendur tóku vel í það og mættu með skreytta könglana sína á Safnahúsið í dag.
Lesa meira
28.11.2022
Forvarnardagurinn er haldinn á hverju hausti og þá er sjónum sérstaklega beint að ungmennum í 9. bekk og á fyrsta ári í framhaldsskóla. Á Forvarnardaginn ræða nemendur um nýjustu niðurstöður rannsókna á þeirra aldurshóp og hugmyndir sínar um samveru, íþrótta- og tómstundastarf og því að leyfa heilanum að þroskast og hvaða áhrif þessir verndandi þættir hafa á líf þeirra.
Lesa meira
27.11.2022
Kristján Ingi Smárason varð í þriðja sæti á Íslandsmóti ungmenna í skák (U-14) sem lauk nú síðdegis í Garðabæ. Frábær árangur hjá Kristjáni Inga sem fékk 4,5 vinninga af 7 mögulegum.
Lesa meira
16.11.2022
Dagur íslenskrar tungu hefur verið haldinn hátíðlegur á fæðingardegi Jónasar Hallgrímssonar, 16. nóvember, samkvæmt tillögu menntamálaráðherra frá árinu 1996.
Lesa meira
14.11.2022
Í morgun fengum við góða heimsókn. Dr. Bryony Mathew tók nýlega við sem sendiherra Breta á Íslandi en hún boðaði komu sína í skólann til að kynna frábær störf framtíðarinnar. Hún hitti nemendur þriðja bekkjar á skólabókasafninu. Bryony hefur meðal annars starfað í sendiráði Bretlands í Peking í Kína, Phnom Penh í Kambódíu, auk þess að hafa gegnt ýmsum stöðum innan utanríkisráðuneytisins í London.
Lesa meira
11.11.2022
Á Safnahúsinu á Húsavík er mikill fjársjóður þekkingar og sögu. Nemendur fyrsta bekkjar hafa verið að læra um fiska í kringum Ísland. Bókin Ég vil fisk eftir Áslaugu Jónsdóttur var gæðatextinn sem lesinn var fyrir nemendur. Nemendur unnu með orðin og innihald sögunnar á fjölbreyttan hátt eftir aðferðum Byrjendalæsi.
Lesa meira
11.11.2022
Í myrkri sjást gangandi og hjólandi vegfarendur illa þrátt fyrir götulýsingu og ökuljós bifreiða og er notkun endurskinsmerkja þess vegna nauðsynleg. Endurskinsmerkin eiga að vera sýnileg og er best að hafa þau, fremst á ermum, hangandi meðfram hliðum eða á skóm eða neðarlega á buxnaskálmum. Þá virka endurskinsmerkin eins og blikkljós þegar ljós skín á þau.
Lesa meira
09.11.2022
Nemendur tíunda bekkjar fara reglulega í skólaheimsóknir og fá skólakynningar. Nýlega fóru nemendur til Akureyrar til að skoða Menntaskólann á Akureyri og Verkmenntaskóla Akureyrar. Sömuleiðis fóru nemendur í heimsókn á heimavistina þar.
Lesa meira
08.11.2022
Alþjóðlegur baráttudagur gegn einelti. Í þjóðarsáttmála sem undirritaður var þann 8. nóvember 2011 segir: „Við ætlum að vera góð fyrirmynd og leggja okkar af mörkum til þess að vinna bug á því samfélagslega böli sem einelti er“. Allir dagar eiga að vera gegn einelti en þessi dagur minnir okkur sérstaklega á hvílíkt böl um ræðir, sem ekki er eingöngu bundið skólum heldur samfélaginu öllu.
Lesa meira
07.11.2022
Skólinn okkar er ansi stór bygging. Í honum nema og starfa um 380 einstaklingar. Á honum eru fimmtán útgangar. Það er mikilvægt að nemendur og starfsfólk æfi viðbrögð við hvers konar vá. Nýlega var haldin brunaæfing og rýmingaráætlun virkjuð í samstarfi við Slökkvilið Norðurþings.
Lesa meira