Gleðilegt nýtt ár - skóli á morgun

Við sendum nemendum okkar og fjölskyldum þeirra óskir um gleðilegt nýtt ár með þökkum fyrir samstarfið á liðnu ári. Skólahald nemenda hefst á morgun, þriðjudag samkvæmt stundatöflu.
Lesa meira

Jólakveðja

Okkar bestu óskir um gleðilega jólahátíð. Megi nýtt ár færa ykkur gæfu og gleði. Þökkum gott samstarf á liðnu ári. Jólakveðja, Starfsfólk Borgarhólsskóla Kennsla hefst að óbreyttu á nýju ári þriðjudaginn 4.janúar skv. stundaskrá.
Lesa meira

Nýmóðins jólasveinavísur

Íslensku jólasveinar sem við þekkjum í dag eru þrettán talsins. Þeir eru öldungis óskyldir hinum alþjóðlega rauðklædda Santa Claus sem er kominn af dýrlingnum Nikulási biskupi, verndara barna og sæfarenda í kaþólskum sið. Þeir eru af kyni trölla og voru upphaflega barnafælur. Þeir eru synir þeirra allra verstu illvætta sem til eru á Íslandi, Grýlu og Leppalúða. Fyrsta ritaða heimildin þar sem minnst er á jólasveinana er frá 17. öld en það er Grýlukvæði séra Stefáns Ólafssonar frá Vallanesi.
Lesa meira

Styrkja Velferðarsjóð Þingeyinga

Á hverju ári má gera ráð fyrir að Íslendingar; fólk á vinnustöðum eða nemendur í jólapúkki verji hundruðum þúsunda í smágjafir til að gefa og þiggja. Undanfarin ár hafa nemendur haldið pakkapúkk fyrir jólin og skipst á gjöfum. Gildi þessarar hefðar hefur dvínað. Við viljum engu að síður nýta kraftinn sem býr í hugtakinu, sælla er að gefa en þiggja. Sem dæmi; ef starfsfólk Borgahólsskóla heldur jólapúkk þar sem hver kemur með glaðning að upphæð 2500 krónur væri það andvirði 172.500 króna. Margt smátt gerir eitt stórt.
Lesa meira

Piparkökuhúsakeppni

Fyrir jól er hefðbundið skólastarf gjarnan með fjölbreyttari hætti. Sköpunarþrá á sér rætur í meðfæddri forvitni, athafnaþrá og stuðlar að frumkvæði einstaklingsins. Sköpunargleði leiðir til námsáhuga þegar börn og ungmenni skynja merkingu viðfangsefnanna og gildi þeirra.
Lesa meira

Litlu jól & jólafrí

Litlu jólin eru notaleg hefð í mörgum grunnskólum landsins. Að þessu sinni var vikið frá hefðinni og nemendum skipt í litla hópa. Hver hópur fór á jólasöngsal og naut útiveru með kakó. Allir nemendur fóru saman í rafrænt jólabingó, hver hópur á sínu svæði og allir fengu ís í lok dag þegar starfsfólk kvaddi nemendur áður en haldið var í jólafrí. Jólasveinarnir úr Dimmuborgum fóru um skólann og tóku þátt í samveru stundum barnanna.
Lesa meira

Listsýning á Hérna

Undanfarið hefur hópur nemenda á unglingastigi heimsótt fyrirtæki á Húsavík. Nemendur fá kynningu á starfsemi fyritækjanna og um leið fer fram ákveðin starfsþjálfun sem lið í að undirbúa fyrstu skref á vinnumarkaði. Síðasti vinnustaðurinn á þessu ári var kaffihúsið Hérna.
Lesa meira

Verkstæðisdagur á bak við grímuna

Það er löng hefð fyrir Verkstæðisdeginum í Borgarhólsskóla. Hann byrjaði sem fastur liður í skólastarfinu fyrir kjör fyrstu konu í forsetaembætti. Skólastarfið er með afar óhefðbundu sniði þennan dag, nemendur mæta með foreldrum, öfum og ömmum, systkinum, frændum og frænkum. Skólinn er jafnframt öllum opinn þennan skemmtilega dag. Vegna covid-19 var þátttaka í deginum ýmsum kvöðum háð og þurfu gestir m.a. að framvísa neikvæðu hraðprófi þegar komið var í skólann.
Lesa meira

Takmarkanir á Verkstæðisdegi

Á morgun, föstudag, er hinn árlegi Verkstæðisdagur þegar skólinn breytist í verkstæði jólasveinsins og nemendur framleiða hverskonar skraut og gjafir ásamt fjölskyldu sinni. Þeir gestir sem fylgja nemendum þurfa að bera grímu, sýna fram á neikvætt hraðpróf eða vottorð um fyrri sýkingu þegar gengið er inn í skólann. Sömuleiðis þarf að skrá sig á skráningarblað. Hægt er að panta hraðpróf á www.hradprof.covid.is og inn á vef Heilsuveru. HSN mun framkvæma hraðpróf kl. 16 í dag, fimmtudag.
Lesa meira

Við ákváðum að stofna klúbb til að spila meira

Símanotkun ungmenna hefur nokkuð verið til umræðu undanfarin ár. Hún nær inn í skólana og eru mörg ungmenni með síma í leik og starfi rétt eins og fullorðnir. Fyrir nokkru var ákveðið að reyna að draga úr símasamskiptum þegar nemendur komu saman í frímínútum. Einn liður í því var að fjölga afþreyingarmöguleikum nemenda í frímínútum og voru sett upp tvö borðtennisborð auk fótboltaspils.
Lesa meira