Sýningin Vloggið á vegum Þjóðleikhússins er á ferð um landið. Unglingum hringinn í kringum landið er boðið á sýningu. Unglingarnir okkar fengu boð um að sjá sýninguna en hún fjallar um vináttu, misgóðar forvarnir og myndbandveituna Youtube. En þau Konráð og Sirrý eru með mikilvæg skilaboð út í alheiminn í von um heimsfrægð. Að minnsta kosti að bjarga nokkrum unglingum frá glötun. Matthías Tryggvi Haraldsson er höfund verksins og leikstjóri er Björn Ingi Hilmarsson. Þau Konráð og Sirrý, eru leikin af þeim Kjartani Darra Kristjánssyni og Þóreyju Birgisdóttur. Sýnt var í Gamla Samkomuhúsinu á Húsavík.

Mentor-kerfið heldur utan um nám nemenda. Uppfærð handbók fyrir aðstandendur hefur verið uppfærð og nú aðgengileg HÉR á íslensku og ensku HÉR. Í gegnum Mentor fylgjast aðstandendur með skólastarfinu annað hvort í gegnum vefinn eða nota appið.

Valgreinar eru hluti af skyldunámi. Í 8., 9. og 10. bekk grunnskóla skal nemendum gefinn kostur á að velja námsgreinar og námssvið sem svarar allt að þriðjungi námstímans.

Skólastarf er hafið venju samkvæmt og að mörgu að hyggja. Matseðill liggur fyrir, hafragrauturinn á sínum stað sem og ávextirnir. Í upphafi skólaárs viljum við taka fram að vegna bráðaofnæmis nemanda fyrir hnetum biðjum við foreldra að senda börn sín alls ekki með hnetur í skólann. Við munum sömuleiðis taka tillit til þess í mötuneytinu.

Börn bregða á leik, spark í bolta, hlátrasköll og heljarstökk á ærslabelgnum. Já, nýtt skólaár er hafið og skólinn iðar af lífi. Hér eru allir í mismunandi störfum og allir hafa sín hlutverk. Við erum öll hluti af skólasamfélaginu. Kolbrún Ada Gunnarsdóttir, sem leysir Þórgunni Reykjalín af sem skólastjóri bauð foreldra, nemendur og starfsfólk velkomin til starfa.

Fræðslu- og kynningarnefnd Iðjuþjálfafélags Íslands sendi frá sér grein í dag varðandi notkun á skólatöskunni. Við hvetjum foreldra til að skoða skólatösku barna sinna reglulega og huga að þeim atriðum sem talin eru upp hér að neðan.

Skólabyrjun verður með nokkuð hefðbundnum hætti þetta skólaárið. Fyrsti skóladagur er næstkomandi mánudag, 24. ágúst. Nemendur í fyrsta, öðrum og þriðja bekk mæta í skólann kl. 8:30. Nemendur í fjórða til og með sjöunda bekk mæta í skólann kl. 9:15 og nemendur í áttunda, níunda og tíunda bekk mæta í skólann kl. 10:00.

Samræmd könnunarpróf eru felld niður á komandi hausti. Því voru gerðar smávægilegar breytingar á skóladagatali. Samtal heimilis og skóla átti að vera 14. október næstkomandi og skiplagsdagur 15. þess mánaðar. Samtal heimilis og skóla verður eftir samþykktar breytingar fimmtudaginn 30. september næstkomandi og skipulagsdagur föstudaginn 1. október. Það fellur betur að skóladagatali Grænuvalla og vonandi til hægðarauka fyrir fjölskyldur. Haft var samráð við stjórn Foreldrafélags skólans og Grænuvelli við breytinguna.

Með breytingu á lögum frá 2008 var skólastarf og frístundastarf samþætt m.a. með því að starfrækja frístundaheimili (lengri viðvera) fyrir yngri nemendur grunnskóla. Öllum grunnskólanemendum skal gefinn kostur á að taka þátt í frístunda- og félagsstarfi þar sem tekið er mið af þörfum, þroska og áhuga hvers og eins. Með frístunda- og félagsstarfi í lögum þessum er annars vegar átt við starfsemi frístundaheimila fyrir nemendur í yngri árgöngum grunnskóla og hins vegar félagsstarf fyrir alla árganga grunnskólans.

Það er að ýmsu að hyggja við upphaf skólaárs. Heilbrigt og hollt matarræði er hluti af góðum skóladegi. Búið er að birta matseðil fyrir ágústmánuð og september. Þá hefur verið opnað fyrir skráningu í mat og við hvetjum foreldra til að skrá börn sín í hádegismat.