Fréttir

Nemendur tíunda bekkjar kvöddu skólann sinn í dag eftir tíu ára skólagöngu með skólaskírteini í hönd. Hver og einn heldur sína leið með eigin markmið og stefnu í lífinu. Skólinn óskar nemendum og fjölskyldum þeirra til hamingju og velfarnaðar á lífsins leið.

Síðastliðna daga hefur verið mikil veðurblíða á Húsavík, sól og hlý gola. Nemendur hafa notað dagana til útiveru og leikja með starfsfólki. Við settum upp vatnsrennibraut við sundlaugina í samvinnu við Slökkvilið Norðurþings. Krakkarnir fengu að ylja sér og leika í sundlauginni og við þökkum starfsfólki þar kærlega fyrir liðlegheitin. Unglingarnir fóru í belgjaslag í anda sjómannadags og hoppuðu í sjóinn við Húsavíkurhöfn í samstarfi við björgunarsveitina Garðar. GPG bauð nemendum upp á heit böð í körum sem við þökkum fyrir. Við leyfum myndunum að tala sínu máli, sjá myndir HÉR sem hirðljósmyndari skólans tók.

Skák eða tafl er borðspil þar sem tveir leikmenn spila 32 leikmönnum á borði sem skiptist í 64 reiti. Uppruni skákarinnar er ekki ljós, en líklegast þykir að saga hennar hefjist í Kína. Nútímaútgáfa skákarinnar er komin fram á 15. öld.

Drengir í níunda bekk fóru í heimsókn í Háskólann á Akureyri í dag en tilgangur heimsóknarinnar var að kynna hjúkrunarfræðinám fyrir drengjum. Verkefnið er samvinnuverkefni Jafnréttisnefndar Landspítala, Háskóla Íslands og Háskólans á Akureyri. Tilgangurinn er að kynna fjölbreytt starf hjúkrunarfræðinga með lifandi, raunhæfum og skemmtilegum hætti.

Það er ánægjulegt að sjá nemendur mæta á hjóli í skólann. Flest allir nemendur bera hjálm sem er sömuleiðis gleðilegt. Við viljum beina þeim tilmælum til foreldra að eiga samtal heima fyrir um að virða eigur annarra, s.s. hjól og hlaupahjól sem standa fyrir utan skólann. Sérstaklega að ræða hversu hættulegt það er að losa skrúfur og losa um dekk og annað í þeim dúr. Slík atvik hafa þegar komið upp.

Fyrir nokkru frumsýndu nemendur tíunda bekkjar leikritið Grease í leikstjórn Karenar Erludóttur. Uppsetning á leiksýningu er liður í fjáröflun fyrir skólaferðalag. Sýningin hlaut afar góða dóma og sýnt var fyrir fullum sal á öllum sýningum. Krakkana langaði til að hafa aukasýningu enda mikil eftirspurn.

Skóladagatal skólans fyrir skólaárið 2022 og 2023 liggur fyrir og öllum aðgengilegt. Við hvetjum fólk til að kynna sér dagatalið. Skólaár nemenda hefst 22. ágúst 2022 og lýkur 3. júní 2023.

Skólahreysti hefur verið haldið síðan árið 2005. Hjónin Andrés Guðmundsson og Lára B. Helgadóttir eru frumkvöðlar að keppninni sem snýst um alhliða íþróttaupplifun byggð á almennri íþróttakennslu. Um er að ræða heilbrigða keppni milli skóla landsins þar sem bæði einstaklingsframtakið og liðsheildin skipta máli.

Lokahátíð Stóru upplestrarkeppninnar fór fram í gær í Þórsveri á Þórshöfn. Níu sjöundubekkingar af skólasvæðinu komu saman og fluttu mál sitt fyrir gesti.

Haustið 2022 verður innritun í framhaldsskóla með nokkuð breyttu sniði miðað við fyrri ár. Fallið hefur verið frá því að hafa sérstakt forinnritunartímabil, en lengja þess í stað tímabil innritunar nýnema nokkuð, eða í 6 vikur.