Fréttir

Orri óstöðvandi og frábær mæting foreldra

Rithöfundurinn, handknattleiksmaðurinn og þjálfarinn Bjarni Fritzson heimsótti skólann í vikunni. Hann er menntaður í sálfræði og rekur sjálfstyrkingarfyrirtækið Út fyrir kassann. Bjarni hefur hlotið verðlaun fyrir barnabækur sínar um Orra óstöðvandi og eru bæði leikrit og kvikmynd í kortunum. Heimsókn hans er liður í aukinni áherslu á lestur og lestrarmenningu. Við þökkum foreldrafélagi skólans og Kvenfélagi Húsavíkur fyrir samstarfið í þessu verkefni.
Lesa meira

Fjármálaleikar 2024

Nemendur Borgarhólsskóla taka nú þátt í fjármálaleikunum í fyrsta skipti. Gangur leiksins er þannig að þátttakendur svara 48 spurningum á fjórum efnissviðum: Ég, heimilið, nám og atvinna og svo samfélagið.
Lesa meira

Framtíðarstörfin í messunni

Nemendur níunda bekkjar tóku þátt í starfamessa sem fór fram á Akureyri í liðinni viku. Markmið messunnar er að kynna fyrir tilvonandi og núverandi framhaldsskólanemum hvað þeim stendur til boða þegar kemur að störfum meðal norðlenskra fyrirtækja, eftir nám með áherslu í verk-, tækni- og iðngreinum.
Lesa meira

Endurnýting og enginn sósublettur

Elstu nemendur skólans fara á örnámskeið í ólíkum greinum og sviðum tilverunnar. Nemendur á endurnýtingarnámskeiði hafa gefið gömlum flíkum og hlutum nýtt líf undir handleiðslu Þóru Katrínar Þórsdóttur.
Lesa meira

Árangur í lestri - samstarf heimilis og skóla

Grunnskólum ber að kanna lesfimiviðmið nemenda. Í upphafi skólárs, um miðbik þess og í lok hvers skólaárs. Lesfimi er samsett færni sem felst í leshraða, lestrarnákvæmni, áherslum og hrynjandi í lestri. Fjölmargar rannsóknir sýna að sterk tengsl eru milli lesfimi og lesskilnings og með því að bæta lesfimi nemenda eflist lesskilningur jafnframt.
Lesa meira

Öskudagur í dag

Öskudagur er upphafsdagur lönguföstu, miðvikudagurinn í 7. viku fyrir páska. Dagsetning hans getur sveiflast á milli 4. febrúar til 10. mars. Að þessu sinni ber daginn upp á 14. febrúar.
Lesa meira

Gýs upp áhugi

Það gýs enn á Reykjanesi. Í morgun opnaðist um þriggja kílómetra gossprunga austur af Svartsengi þar sem landris hefur mælst tæpur sentimetri á sólarhring undanfarna daga. Nemendur sjötta bekkjar fengu nýlega fræðsluerindi um eldsumbrotin á Reykjanesi, bæði söguleg og það sem er að gerast þessa stundina. Auk þess almennt um jarðfræði, jarðskjálfta og eldsumbrot.
Lesa meira

Útivera og ferskt loftið

Hreyfing hefur mikil áhrif á líkamlega og andlega heilsu. Mjög mikilvægt er að við förum út og hreyfum okkur. Það er manneskjum eðlislægt að vera úti og njóta útivistar, anda að sér fersku og súrefnisríku lofti, það hreinsar hugann.
Lesa meira

Fyrsta fréttabréf Foreldrafélagsins

Aðalfundur foreldrafélags skólans svar haldinn nýlega. Eitt af því sem var rætt á fundinum og í stjórn að auka enn frekar sýnileika félagsins. Félagið hefur gefið út sitt fyrsta fréttabréf. Þar má finna upplýsingar um félagið og hvert hlutverk foreldrafélaga er í starfsemi grunnskóla. Enda foreldrar sterkustu bandamenn skólanna.
Lesa meira

Lestrarátak þrjú og heimilin með

Lestur er málræn aðgerð sem byggir á samspili margra þátta sem eru nauðsynlegir til að túlka og skilja ritmál. Grunnur að góðri færni í lestri er lagður á fyrstu æviárum barnsins. Því betri málþroska sem barn hefur, því betur er það í stakk búið til að takast á við lestrarnám. Foreldrar, kennarar og aðrir sem koma að uppeldi barna gegna því mikilvæga hlutverki að undirbúa ung börn undir líf og starf í veröld sem gerir ráð fyrir því að flestir þjóðfélagsþegnar séu læsir og skrifandi.
Lesa meira