Litlu jólin eru notaleg hefð í mörgum grunnskólum landsins. Í upphafi dags komu allir nemendur skólans saman á söngsal. Nemendur spiluðu, gæddu sér á smákökum, hlýddu á jólasögu og hittu jólasveinana úr Dimmuborgum sem sprelluðu með nemendum á Sal og kringum jólatré skólans. Staðbundin jólahljómsveit Tónlistarskóla Húsavíkur lék fyrir dansi.

Undanfarin ár höfum við nemendur og starfsfólk Borgarhólsskóla látið gott af okkur leiða og látið fé rakna til góðgerðarmála. Í stað þess að nemendur og starfsfólk skiptist á gjöfum á Litlu jólum fær hver nemandi afhent umslag til að fara með heim og setja í það pening. Það er hverjum og einum frjálst hversu há upphæð fer í umslagið kjósi viðkomandi að styrkja málefnið. Stjórnendur skólans völdu að framlag skólans renni í Velferðarsjóð Þingeyinga, bæði nemenda og starfsfólks. Skólinn afhendir Velferðarsjóðnum nú 179.599 kr. frá nemendum og starfsfólki sem nýtist vonandi vel yfir hátíðirnar.

Valgreinar eru hluti af skyldunámi. Í 8., 9. og 10. bekk grunnskóla skal nemendum gefinn kostur á að velja námsgreinar og námssvið sem svarar allt að þriðjungi námstímans.

Að leysa vandann – að komast út úr herberginu. Svokölluð Escape-herbergi hafa notið mikilla vinsælda víð um heim. Að opna eldmóðinn af því að læra. Breakout Edu svipar til "escape" leikja. Nemendur standa frammi fyrir vanda sem þeir þurfa að leysa með því að ráða fram úr vísbendingum í sameiningu og ná að opna kassann áður en tíminn rennur út.

Það eru mikil tækifæri fólgin í samstarfi við Safnahúsið á Húsavík og Menningarmiðstöð Þingeyinga. Safnið hefur sýnt mikið framkvæði að samstarfi sem við þökkum fyrir. Nemendur annars bekkjar var boðið nýlega í jólakortaföndur. Heimsóknin heppnaðist vel og nemendur nutu sín, bæði við jólakortagerð og í barnahorninu að föndri loknu.

Á aðalfundi foreldrafélags skólans var kjörin ný stjórn. Hún hefur skipt með sér verkum og er þannig skipuð að Guðmundur Friðbjarnarson er formaður, Hildur Eva Guðmundsdóttir, varaformaður, Kristinn Jóhann Lund, gjaldkeri, Rakel Dögg Hafliðadóttir, ritari og Berglind Júlíusdóttir og Hrefna Regína Gunnarsdóttir með stjórnendur.

Fyrir nokkur var haldinn dagur iðjuþjálfa. Hlutverk iðjuþjálfa er að efla iðju, þátttöku, heilsu og velferð einstaklinga á öllum aldri. Skjólstæðingshópur iðjuþjálfa samanstendur af einstaklingum sem eiga í erfiðleikum með að taka fullan þátt í daglegum athöfnum en iðjuþjálfar greina hvað veldur iðjuvanda með því að skoða samspil einstaklings, iðju og umhverfis.

Það er löng hefð fyrir Verkstæðisdeginum í Borgarhólsskóla. Hann byrjaði sem fastur liður í skólastarfinu fyrir kjör fyrstu konu í forsetaembætti. Skólastarfið er með afar óhefðbundu sniði þennan dag, nemendur mæta með foreldrum, öfum og ömmum, systkinum, frændum og frænkum. Skólinn er jafnframt öllum opinn þennan skemmtilega dag.

Það er árviss viðburður í Borgarhólsskóla að nemendur sjöunda bekkjar sækja jólatré skólans sem prýðir Sal skólans. Það er ekki yfir langan veg að fara en tréð sem er hið myndarlegasta er sótt í skógræktina í Melnum í Húsavíkurfjalli. Nemendur fóru ásamt kennurum að sækja tréð sem starfsmaður Þjónustustöðvar Norðurþings var búinn að velja.

Nýlega fór söngkeppnin Tónkvísl fram á Laugum en þar etja kappi bæði grunn- og framhaldsskólanemar í söng. Í grunnskólakeppninni sigraði Íris Alma Kristjánsdóttir en hún er nemandi í tíunda bekk skólans. Hún flutti lagið Anyone eftir Demi Lovato. Íris hefur lagt nám við söng og hefur sömuleiðis áhuga á dansi og leiklist.